有人話！超過十年都無轉手提電話號碼的男人！應該算是好男人！老實人。哈哈！我個手提電話號，應該用左十五年！
星期六，接到小學同學來電！無見十幾年的小學同學、還搵倒我！佢話其實試下睇下個電話號碼！係咪我！
星期六 2014-3-1是：小學 一年一度的校友會會員大會。問我點解無去。
我話我去左幾年，都唔見有同班同學，今年無去啦！
於是相約今天飲茶！
各位！我係咪好易認呢！
趁記憶還在：
第一排左起：？，黃苑華，周惠蘭，李五妹，霍Sir，校長，區玉珍，？，？梁倩如，？
第二排左起：我，？，張波，梁志勳，黃浩泉，鍾偉原，？陳敬國
第三排左起：？，林汝康，？，？，陳順福，陳俊偉，黎紹華，？，？，？，？
第四排左起：黃淑芬，黃穎慈，楊美眉，歐陽潔玲，？，？，林上華，何秀娟，？，？
左邊的同學（黃苑華）八十年代移左民去加拿大多倫多打拚，同丈夫胼手胝足搞左間膠袋廠！生左三個小孩！佢話十三歲就出黎打工，做到而家五十七歲，振左四十四年！係時間要退休啦！今年決定正式唔返工啦！
兩位女同學讀完小學就無昇讀中學！借人地的兒童證去工廠做車衣女工啦！如今大家都準備登【陸】之年！
好彩間酒樓真係無乜人幫襯，連午市都唔見爆滿！
返屋企搵番本小學畢業紀念冊睇下！立此存照！
