1975-5-1加入監獄署！還未到 19歲。
監獄有得多不同的工種。
最普遍，最多人的叫 班務工作 Divison Duty，其他還有 收押 Reception Office（行內叫指模房），工程組，教練，更生事務（福利官），醫院，押解組、學堂教官...............
我算是無風無浪的做到退休！
我常說，在前線要講打講殺用拳頭的日子，我就走左去做文職的影相！
要識字識電腦的日子，我才走到前線！做到最尾個三、四年，仲要炒到個唔洗夜更，放正紅日假期的、小期數主管做（小型洗衣房）！正式都無乜點捱過夜更！
今次是第一次參與佢地的聚會！有兩個是我第一日出環頭認識的上司和前輩！數數手指，42年，如果唔係有 Face book 呢個平台！如果同事間，無共同的興趣和活動！一早失散左，老死不相往還！
當日最高領導，詩興大發！
《安享晚年》
琴棋書畫詩酒花
故友茶聚話桑麻
勞累半生為何事
柴米油鹽醬醋茶
全部 very effective , 唔怪得攞咁多獎. 讚!!! 好羨慕湯兄能保守這些珍貴的友誼和紀錄,可見湯兄人緣真係冇得彈. 42年! 想不到一下子就過了......
回覆刪除我對我自己工作的評價：是做足一百分！工作上的人際關係算是一等一好。
刪除Fatty Kor ;
回覆刪除吹水會地點係唔係......美孚富臨?
真好眼力，你常去嗎？一眼認出！
刪除Davie kor 咁肯定的問, 那一定是在.美孚.住的.
刪除Fatty,Roger Kor ;
刪除20 多年前,好世界酒樓未執之時便常在此早茶,一盅一件才上班,後來變咗富臨亦常有幫趁,所以一眼便看出,我住在荃灣區50年啦 !
75年 至 77年，經常去荃灣眾安街和福來村！
刪除朋友有間攝影器材店在眾安街，叫 萬宜攝影器材。
另一朋友有間閣樓影樓在路德圍。
我那年就係在這兩度學識影相和黑房！
晚上我地好鍾意去 一間酒樓食碟燒肉飯！好似叫世界酒樓。
返工，會去酒樓門口有小巴去元朗，會經大欖！
Davie kor 原來住荃灣 ! 都好近喎. 1974~1977我在美孚學習,當時起緊第6同第8期. 班師傅成日一早返公司簽個名就去嘆茶,間茶樓應該喺[好世界]罷?當年學師仔, 得4百蚊一個月,所以冇份...哈哈~~~~
刪除咦 ? Davie kor [荃灣區50年啦] ??? 但對電單車咁有興趣咁有認識 , 好犀利同好先進喎...73~74年臨走前,玩過下電單車,差點在觀塘道成了英雄...哈哈~~~
刪除Lui Kor ;
刪除1973年當時我月薪1700元,做冷氣大機,早知喺好世界我請你飲茶呀,哈哈 !!
當時職業需要常揸電單車,至90年後期揸Honda-900F(石崗英軍回國轉售的勁車)四汽缸,差㸃成為葵涌道烈士,俾老婆鬧到唔似人樣,從此離開江湖,渣四個轆十分冇引,但現在見到靚車兩個轆都欣賞一番,唉,想當年 !
Davie Kor : 1973 已經有1700元!!! @@ 嘩...你是神,你是我師傅.講起電單車,帶我的管工也好喜歡電單車, 日日由對面海揸架電單車返美孚,真係服咗佢....
刪除唔好以為我師傅好有錢呀,佢喺石澳?間鐵皮屋喺潛建的, 兩公婆又住得鬼C咁開心.我同班師兄弟從新界試過去探佢,當郊遊一樣, 好開心呀...不過都40幾年了....
刪除講起美孚,想起新昌,想起[阿爺]葉庚年,想起葉謀遵和近日[惠理]的葉維義.葉家好傳統好好人,可惜不是生意人,[新昌]沒有一路傳下去....
刪除Fatty Kor ;
回覆刪除路德圍行出是青山道口,那間酒樓應該是(新界酒樓)大約在95年左右執咗 !!
那些年興玩黑白菲林相,我亦跟前輩夜間在雅麗珊社區中心學攝影及沖菲林,黑房晒相,初期他們的沖相藥水是在工業原料公司依藥方配製,十分神奇,至今尚記得名叫(美刀,堅安)的藥名,後期則用富士菲林公司的顯影及定影藥粉,亦有用國產長江攝影公司的黑房藥品 !!
Davie kor: 講開黑白相,我6X年張小學畢業相仲黑白分明, 好靚. 之後張中學畢業相就好差...後來的彩色快相仲衰,放堆櫃檯底都會自動褪色,...真係一代不如一代....
刪除顯影液配方都係四種藥粉開成,美刀,堅安係主力,沖菲林,相紙,則份量唔>>同.沙粉,鉀粉唔落或求其落少少都得.
刪除柯達 D76,D72 而家仲有得賣,不過好少貨而已.
國產的叫 公元，菲林和相紙都用同一隻葯，叫通用顯影劑。
柯達 D76 是菲林用，D72 是相紙用，不過出面報館全部用 D72去菲林和相紙。
D76 冲菲林，底片微粒幼細，但每次沖菲林都要調整時間，一般沖三到四次D藥就無用。
後期我地都用埋 相紙藥去沖菲林，相紙藥天天倒，天天新鮮，且沖菲林時間快，只3幾分鐘搞掂，正常菲林在20度C水溫下，要沖成10幾分鐘。
Fatty Kor ;
刪除真真的佩服你對攝影有關知識,有關歷史資料,.....失傳啦 !!
Liu 兄，60年代，上一代的影樓師傳，沖曬和攝影態度好嚴謹。樣樣做到足，D相和菲林就唔會變色。
回覆刪除柯達從前稱自己做百年相紙。
彩色相都因價錢不同，效果不代。
78至80年代，彩色相競爭大，最記得最低行家價是4毫5仙6，街價 6毫子一張3R…
但專業的沖晒價是1•2元。
晒出黎的相，完全兩回事。
Fatty Kor ;
回覆刪除你真是.....老行尊,佩服你的專業知識,看得我十分開心,和新一代玩攝影旳朋友吹水時他們當我是外星人,講西遊,而你除了有這個年代的經歷後,記憶力亦十分厲害,亦證明當年十分用心學習,現代科技進步令很多不久以前的事物淘汰亦理所當然,亦做成消費平民化,當然的幻燈片菲林要交由(愛雪)(天然)寄到外地沖洗,一張彩色相片要差不多壹元(1963)十分昂貴呀!!
喺呀 , Fatty kor 對攝影好專業的. 講真, 現在還有人玩黑白? 仲自己沖印嗎?1978年的山旮旯,除咗黑白自己做, 彩色要收埋收埋, 托人帶去鄰埠做, 成嗰禮拜都未必收到, 因為條路係黃泥路,一落雨唔行得...哈哈~~~
刪除73年，有千七人工，好高 !
回覆刪除我還是半工讀的日子，在毛巾廠做什工，打箱，剪線頭……9毫子一個鐘。
電單失事，也是我做攝影的導引，兒時朋友抄車，女朋友16歲……大左肚，要見肚前擺酒結婚，我幫佢揾人影相…做伴郎…就這機缘巧合和攝影拉上關係……
Fatty Kor 講起往事,令我想起中學同學,未畢業已結婚生子.後來一齊做學師,得個4百蚊,都唔知佢點養家.唉,鬼咩,中三中四已經成日帶d花花公子同penthouse返學校俾人睇 , 仲唔慾火攻心咩....
刪除咦?一霎那已40幾年, 怕老同都做阿爺了,如果後代有佢傳統,分分鐘升級添.做美孚的時候,已經跟墨斗王一樣,狗馬同好,日賭夜賭,希望後來佢會變啦...嘩..人生真是太奇妙了, 想起當年, 百感交集.
刪除