2013-11-29、星期五！球場上的寧靜

2013-11-29、星期五！球場上的寧靜！
每個星期五的一點到三點！都係球場上過，天氣涼了！
非繁忙時間中的繁忙時段，早上 十點 到下午三點，球場上有許多退休人仕、家庭主婦，輪班的紀律部隊 球手！三點過後，就係學生、學校時段，到晚上六點後！什麼樣的球手都有！
今天三點後。球場上關了一半燈光！得幾個青年軍練波、等教練！

 打完波，一星期總去灣灣仔一次，飲七蚊支的大啤！

 

2013-9月終於可以坐窗口位，影雲海

2013-9月終於可以坐窗口位，影雲海！
坐飛機，你還記得幾時第一次坐！我地呢類自小家貧，基本上無機會坐！連去機場送行都未試過！只會在地上，抬頭看飛機隆隆的飛過！

 不過而家 d 小朋友幸福好多！三歲都未夠，心心就坐商務客位去日本玩！

 記得小時候，同 d 同學仔去啟德機場，睇飛機昇降，係一個好隆重的康樂活動！會一早約定係學校門口等，跟住就左轉右轉，用兩條腿行去九龍城！睇飛機！

 我地六十年代，如果讀書唔成！會考肥佬，機場有間叫：遠東航空訓練學校，可以讀飛機維修！

 遠東航空及工業學校創立：1934年2月12日，遠東航空及工業學校正式成立。香港政府為了培訓航空人材，便與遠東航空公司合作，在啟德機場的右角闢地建校。由空軍機械士德文任校長，還有兩名現役空軍軍官亦參加創辦。教師主要從英國聘來，部分助教則由中國人擔任。
　　該校成立時，學校分為初級飛行、蒙面飛行、機械原理等7科，最初每科大約可在3個月內修業完成，每科學費1500元。
　　該校成立初期，校舍作別墅式，高樓2層，室內鋪地板，四面開窗，空氣清新，另築有7間小屋，分別闢為課室、膳堂、宿舍、機械室、圖書室等。第1期學員僅24名，其中華籍10名，有4人來自內地。
　　該校成立時，有雙翼機11架，其中3架雙翼練習機，機身為紅色，機翼為銀灰色，機上可坐2人，每架飛機當時值港幣1萬元。到50年代，該校共培訓出航空人材2000餘人，中國航空事業中不少人為遠東航校的畢業生。

 呢次去檳城，架飛機得五成乘客，可以自由咁坐、一人一個窗口位，

 哈哈！同老婆去旅行坐飛機，我都係第一次有窗口位坐！

 遠處的煙囪，係青山踏石角發電廠！

 新界西的屋群！

 古時候無飛機呢樣野，上黃山，睇雲海，迷倒不少詩人墨客！

 可能古時候，d 人係山上睇雲海，飲醉左！縱身跳落去，己為可以軟綿綿的、睡它一覺春秋大夢！

 不過有雲海睇的代價，雲海下面就係落大雨！