2014-9-25京都行

2014-9-25京都行！
大阪第二天，正式起程去京都！從酒店的地下商場行去 大阪 JR 火車站！
地下通道商場，四通八達！都好容易迷路！

 JR（Japan Railways，缩写JR）是日本的大型鐵路集團，其前身為日本國有鐵道（原使用縮寫為「JNR」)。

 售票全經售票機，一頭霧水摸索左半個鐘，都係要搵工作人員幫手！

之前睇左條片！最初己為搞笑，原來真係咁！

 買完飛，又盲摸摸去搵車站入口！

 JR 火車有三種，普通（站站停）、快速（都要一個鐘先去到京都）、新快速（只停四個站，30分鐘到）！三種唔同時間到，都係用同一車票！

 第一次搭，唔識，己為新快速要補錢，揀左快速搭！

 

 小時候搭火車去新界，年青時搭火車去北京，總愛外望鐵路外的風景！

 今次坐火車，好有從前的感覺！

 年青時，坐火車去北京，有個朋友對火車好有認識！
朋友話：從前火車沿線唔會有民居，最多都係鐵路局的員工宿舍！因為鐵路係國家經濟和軍事的命脈，時移世易，越近火車站的樓房就越值錢、越多人住！

 不過住係火車軌隔離都幾係，天天聽火車的嘈聲，人都癲！

 一個鐘，成功到達京都！