2013-12-29尋找隱蔽美食之石峽尾街市平台：堅記

2013-12-29尋找隱蔽美食之石峽尾街市平台：堅記！
同老婆講開，我地都無乜好食的架步係九龍區，老婆即刻搵下佢的美食指引：
Jason 的虛擬世界！呢果網誌介紹的美食，好少出錯！
http://blog.carjaswong.com/2013/08/29/%E9%A6%99%E6%B8%AF%E7%BE%8E%E9%A3%9F-%E5%A0%85%E8%A8%98/
堅記大排檔   /   石硤尾石硤尾村街市平台熟食檔4-5號

 

  四眼堅推介！四眼堅出現啦！據網上報導，呢道夜晚的幫手，日頭係自由設計師！

  廚房及樓面的重臣，都是來自佐敦新斗記！

  嗜嗜雞煲，連平時唔食豬潤的我，都食左幾片！你話幾入味！

  未識我老婆前，唔知有呢味油浸筍穀魚，經老婆推介後，一有，必吃！

 出面好少用油炸過的香蒜，又真係仲香口 d！

呢排芋頭當造，連續兩日都食！唉，雪櫃仲有一盒未食！老婆的至愛！呢幾日係我住家男的打波前的能量來源！

 臨埋單，堅叔走黎同我地吹下！我地梗係扮地膽啦，不過我地兩個真係係呢頭長大！

  堅叔話佢係石峽尾大，經歷過 1953年石峽尾大火，1956年雙十節右派暴動！

 
從前聽婆婆講，1953年石峽大火的故事！
石硤尾大火是指於1953年12月25日聖誕節，在香港九龍石硤尾木屋區發生的火災，受災面積達45畝，有50,000多名災民無家可歸。這場大火最終導致了香港公共房屋的誕生。

 

石硤尾六村大火後,災民在左派工會發動下,到尖沙咀輪侯大陸賑災捐款。

  1967年石硤尾一間天台學校。這些天台學校大都由志願機構開辦，在物質貧乏的年代為低下層的居民提供難得的教育服務。

從前我地細路時，每逢雙十節，石峽尾就滿掛青天白日滿地的的國旗！

雙十暴動，是1956年10月10日至10月12日在香港九龍及荃灣等地發生的一次騷亂，事件的導火線徙置事務處職員在10月10日（即中華民國國慶）移除懸掛在李鄭屋徙置區之中華民國國旗及大型「雙十」徽牌而引起。事件釀成約60人喪生，逾300人受傷，成為香港史上死亡人數最高的騷亂暴動事件。 

 小時候，婆婆成日都訴說那年我剛出世，要抱著我去，左避右避暴徒，從深水埔行去九龍城睇工聯會的免費中醫！

小時候，大哥哥話我地知，石峽尾的黑社會，號稱清一色【十四號】！有說「14號」人馬於一九五二年在石硤尾與粵東幫會火拚，大獲全勝，被冠以「K」字表揚金漆招牌。
所以我地好小夠膽入去石峽尾玩！
你睇睇下網上的懷舊討論區講乜：有冇兄臺記得起於1971或1972暑假，当年李郑屋村有成百人来到石硤尾球埸見人就斬之事件；請問有沒有关於此事件之任何 ... 70年代治安的確很差，黑社會打交通常有幾架小巴接載，我十幾歲時候行過屋村，成日畀人盤，有一次錶都畀人搶埋，叫都無人 ...
27/01/2003石硤尾九霸王被扣上手銬帶署調查。青年被擲樽穿頭 兩警盤查遭包圍，石硤尾九霸王毆民襲警！